Эрт эдүгээх цагийн түүхэнд мөнхөрсөн хутагт хувилгаад, эрдэмтэн мэргэдийнхээ суу билгээр Монголын түүхэнд өөрийн өөрийн гэсэн арилашгүй тод мөрийг үлдээж чадсан агуу түүхийн өлгий нутаг бол Отгонтэнгэр хайрхан уулаа түшин орших Завхан аймаг билээ. Энэ их нутгийн ирээдүйг авч явах залуусыг маань эв нэгдлийн илэрхийлэл бол яах аргагүй “Завхан аймгийн залуучууд оюутны хөгжлийн төв” гэдэгт итгэл дүүрэн байдаг юм. Завхан нутгийн маань оюутан залуус хөгжлийн төлөө нэгдэн нягтарч, хамтран хөдөлмөрлөж оюун ухаанаа уралдуулан байгаа нь үнэхээрийн сайшаалтай хэрэг мөнөөс мөн. Завхан аймгийн залуучууд оюутны хөгжлийн төв хэмээх төрийн бус байгууллага үүсэн бий болсон цагаасаа нутгийнхаа оюутан залуусын төлөө олон ажлуудыг санаачлан хийж, тэдэнд бодитой хөрөнгө оруулалт хийж чадсан нь тэднийг ярих биш хийж бүтээж чаддаг залуус гэдгийг бэлхнээ харуулж байна.Миний бие залуус та бүхэнтэйгээ хамтран нутаг орноос төрөн гарсан эрдэмтэн мэргэдийнхээ гаргасан жимээр гэзэг даран урагшилж ихийг хийж бүтээн нутаг орнынхоо хөгжил дэвшилд бодит хувь нэмэр оруулан, хамтран ажиллах болсондоо туйлын сэтгэл хангалуун байна. Төрсөн нутгийнхаа хөгжлийн төлөө оюутан залуус та бүхэнтэйгээ улам ихийг хийж бүтээхийн ерөөлийг өргөе

Та бүхэн ЗАЗОХТ-ийн вэб сайтад тухлан саатаж, таалан соёрхоно уу!